Reglur um umsóknir um sjúkradagpeninga

1. Umsóknir, ásamt nauðsynlegum fylgigögnum skulu berast skrifstofu félagsins í síðasta lagi viku fyrir mánaðamót.
2. Sjúkradagpeningar eru greiddir síðasta virka dag mánaðar.
3. Umsóknum skal skila rafrænt á mínum síðum félagsins, ásamt nauðsynlegum fylgigögnum.
4. Skila þarf inn eftirfarandi gögnum til að umsókn sé tekin til meðferðar:
   1. Staðgreiðsluskrá frá Ríkisskattstjóra
      Staðgreiðsluskrá má nálgast með rafrænum skilríkjum á vef ríkisskattstjóra.
   2. Staðfestingu atvinnurekanda
      Vottorð fyllt út af atvinnurekanda, eða fulltrúa hans, sem staðfestir að umsækjandi hafi fullnýtt rétt sinn til launa í veikindum og frá hvaða degi rétturinn sé fullnýttur.

      Sé umsækjandi ekki lengur við störf hjá atvinnurekanda, skal skila inn afriti af uppsagnarbréfi

   3. Sjúkradagpeningavottorði
      Skila þarf inn sjúkradagpeningavottorði á tveggja mánaða fresti, nema það sé gefið út til mánaðar í senn. Þá þarf að skila því inn mánaðarlega.
5. Öll vottorð skulu gefin út á íslensku.
6. Sjúkrasjóði er heimilt að óska eftir frekari gögnum ef ástæða þykir til.
7. Stjórn sjúkrasjóðs er heimilt að veita undanþágu frá ofangreindum skilyrðum, séu gild málefnaleg rök til staðar.

Þessar reglur eru settar með vísan til greinar 14.4 í reglugerð sjúkrasjóðs verkalýðsfélagsins Hlífar og taka gildi frá og með 1. júní 2024.

Samþykkt á fundi stjórnar sjúkrasjóðs 15. maí 2024.