Fræðslusjóðir

Markmið starfsmenntasjóðanna er að auðvelda félagsmönnum fjárhagslega að stunda sí- og endurmenntun.

Stjórn Starfsafls hefur ákveðið að endurskoða styrkveitingu til einstaklinga er varðar erlent netnám

Stjórn Starfsafls hefur ákveðið að endurskoða styrkveitingu til einstaklinga er varðar erlent netnám

Hægt er að sækja um á Mínum síðum.

Starfsafl er starfsmenntasjóður Flóabandalagsins og Samtaka atvinnulífsins

Reglur um einstaklingsstyrki

Námskeiðssjóður Hlífar er fyrir starfsmenn sem starfa hjá Hafnarfjarðarbæ og Garðabæ og hjá skólum í Samtökum sjálfstæðra skóla (SSSK).

Sótt er um styrk úr námskeiðasjóði á Mínum síðum Hlífar. Gögn sem þurfa að fylgja umsókn eru afrit reiknings með nafni og kennitölu umsækjanda, lýsing á námi og bankakvittun sem staðfestir greiðslu. Reikningurinn má ekki vera eldri en 12 mánaða.

Félagið áskilur sér rétt að óska eftir rökstuðningi fyrir tengingu náms við starf umsækjanda.

Hverjir eiga rétt á  fræðslustyrk

Félagsmaður á rétt á fræðslustyrk ef hann hefur greitt félagsgjöld í a.m.k. 6 mánuði af síðustu 12 mánuðum. Síðasta greiðsla félagsgjalds má ekki vera eldri en 6 mánaða.

Sá sem hverfur frá vinnu vegna veikinda, heimiliástæðna eða af öðrum gildum ástæðum heldur rétti sínum til styrks í allt að 24 mánuði, enda komi starfsmaður aftur til starfa eftir starfshlé.

Félagsmaður sem lætur af störfum vegna aldurs heldur áunnum réttindum í 24 mánuði eftir starfslok.

Félagsmenn í fæðingar- eða foreldraorlofi og atvinnulausir félagsmenn geta nýtt sér áunninn rétt velji þeir að greiða félagsgjöld á tímabilinu.

Félagsmenn sem ekki hafa íslensku sem móðurmál geta sótt um styrk vegna íslenskukennslu eftir að hafa greitt til félagsins í 1 mánuð. 

Styrkhæft nám

  • Starfstengd fræðsla sem fram fer fyrir hóp starfsfólks eða einstakling
  • Starfstengd fræðsla sem fram fer á íslenskum vefsíðum 
  • Áhugasviðsgreiningar sem teknar eru undir handleiðslu náms- og starfsráðgjafa
  • Raunfærnimat
  • Skólagjöld í framhaldsskóla, þ.m.t. efniskostnaður sem telst til hluta skólagjalda en undanskilin eru öll gjöld sem teljast valfrjáls, s.s. skóla- og nemendafélagsgjöld
  • Skrásetningargjöld í íslenska háskóla
  • Prófa- og skírteinisgjöld sem órjúfanlegur hluti af námi /námslokum
  • Almennt ökunám, þ.m.t. ökutímar 
  • Starfstengd markþjálfun sem nemur að hámarki 12 tímum innan almanaksárs. Með umsókn þurfa að fylgja upplýsingar um markþjálfann en skilyrt er að markþjálfinn hafi lokið námi í markþjálfun frá viðurkenndum skóla.  Þá verður fjöldi tíma að koma fram á reikningi.
  • Íslenskukennsla fyrir félagsmenn með annað móðurmál en íslensku
  • Nám til aukinna ökuréttinda sem nýtast í starfi

Upphæðir endurgreiðslu

Hámarksgreiðsla er 180.000 kr fyrir almennt nám á ári til einstaklings, miðað við félagsmann í fullu starfi, en þó aldrei meira en 90% af reikning. Greitt er hlutfallslega fyrir fólk í hlutastörfum.

Félagsmenn sem ekki hafa nýtt sér rétt sinn síðustu þrjú ár eiga rétt á allt að 540.000 kr fyrir eitt samfellt námskeið, miðað við félagsmann í fullu starfi.

Tómstundanám er styrkt að upphæð 30.000 kr á ári, miðað við félagsmann í fullu starfi, en þó aldrei meira en 50% af reikning. Greitt er hlutfallslega fyrir fólk í hlutastörfum.

Styrkur vegna náms til aukinna ökuréttinda sem nýtist í starfi er aðeins veittur einu sinni hverjum félagsmanni, að hámarki 180.000 kr, miðað við félagsmann í fullu starfi.

Styrkir vegna náms- og kynnisferða

Styrkir vegna náms- og kynnisferða erlendis eru veittir á 3 ára fresti og eru óháðir almennum námskeiðastyrkjum. Styrkurinn er að hámarki 130.000 kr, miðað við félagsmann í fullu starfi sem greitt hefur félagsgjöld í a.m.k. 12 mánuði. Hámarksstyrkur til félagsmanna sem greitt hafa félagsgjöld í færri en 12 mánuði er 50.000 kr, miðað við félagsmann í fullu starfi.

Styrkir til félagsmanna sem fara í ferðir innanlands, skipulagðir af viðkomandi stofnun eru veittir á 2 ára fresti. Styrkurinn er að hámarki 40.000 kr, miðað við félagsmann í fullu starfi.

Fylgigögn sem þurfa að berast með umsókn um námskeiðastyrk

Sótt er um styrk úr námskeiðasjóði á Mínum síðum Hlífar. Gögn sem þurfa að fylgja umsókn eru afrit reiknings með nafni og kennitölu umsækjanda, lýsing á námi og bankakvittun sem staðfestir greiðslu. Reikningurinn má ekki vera eldri en 12 mánaða.

 
 

Ríki og hjúkrunarheimili

  • Flóamennt er starfsmenntasjóður Hlífar og VSFK fyrir það starfsfólk sem starfar hjá ríkinu og á hjúkrunarheimilum.
  • Sjóðurinn hefur það að markmiði annars vegar að efla starfs- og símenntun starfsfólks og hins vegar að auka möguleika stofnana á að þróa starfssvið sitt.
  • Starfsfólk ríkisins og á dvalar- og hjúkrunarheimilum s.s. Sólvangi, Hrafnistu, Heilsugæslunni ásamt Vegagerðinni o.fl. getur sótt í þennan sjóð.

Úthlutunarreglur Flóamenntar

  • Félagsmaður þarf að hafa greitt í 6 mánuði, hið minnsta, af síðustu 24 mánuðum til þess að fá styrk og hafa verið félagsmaður þegar námið var greitt. Greitt er að hámarki 90% af kostnaði námskeiðs en að mest 180.000 kr. á ári ef félagsmaður er fullgildur meðlimur í sjóðnum. Annars er greitt í hlutfalli við vinnu sl. 12 mánuði.
  • Hámarksstyrkur á ári fyrir tómstundastyrki er 30.000 kr. ef félagsmaður á full réttindi í sjóðnum. Annars í hlutfalli við vinnu sl. 12. mánuði.
  • Félagsmenn sem hafa greitt samfellt til félagsins sl. 3 ár og ekki nýtt sér rétt sinn til styrks geta átt rétt á styrk allt að 540.000 kr. fyrir eitt samfellt starfstengt nám samkvæmt nánari reglum sjóðsins.
  • Félagsmenn sem ekki hafa íslensku sem móðurmál geta sótt um endurgreiðslu vegna íslenskukennslu eftir að hafa greitt til félagsins í 1 mánuð. Hámarkið er 180.000 kr. á ári og aldrei meira en 90% af kostnaði.
  • Áréttað er að félagsmaður hefur 3 mánuði til að skila inn umsókn eftir að hann hættir að vinna en verður að hafa verið í félaginu þegar námið var greitt.
  • Þegar send er inn umsókn skal láta fylgja með frumrit reiknings sem er á nafni félagsmanns þar sem fram kemur nám/námskeiðslýsing, nafn og kennitala fræðsluaðila (ef ekki kemur fram staðfesting á greiðslu á reikningi þarf að skila til viðbótar staðfestingu á greiðslu, t.d. úr heimabanka eða greiðslukvittun frá viðkomandi skóla/fyrirtæki)
  • Félagsmenn sem eru á skrá hjá Vinnumálastofnun þurfa einnig að skila inn staðfestingu um styrkupphæð frá stofnuninni með umsókn, óháð hvort þeir fengu styrk eða ekki. Vegna umsóknar um styrk fyrir nám eða námskeið sem tekið er erlendis þarf að leggja fram frumrit reiknings á upprunalegu tungumáli og á ensku, staðfestingu á greiðslu úr heimabanka og eins þarf að vera sundur liðuð kostnaðarskipting. Reikningur má ekki vera eldri en 12 mánaða.

Starfsafl og Flóamennt veita styrki til fyrirtækja og stofnana.

  • Fyrirtæki greiða starfsmenntaiðgjald í starfsmenntasjóði (t.d. Starfsafl) og geta sótt um styrki til námskeiðahalds fyrir starfsmenn sína.
  • Einnig geta fyrirtæki fengið fræðslustjóra að láni inn í fyrirtækið og styrki til eigin fræðslu.
  • Styrkir og upphæð þeirra fara eftir stéttarfélagsaðild starfsmanna.

Reglur um úthlutun fyrir stofnanir