Formaður Hlífar, Kolbeinn Gunnarsson, sagði í viðtali við Fréttastofu Ríkisútvarpsins í morgun að erfitt verði að ná kjarasamningum í þeim viðræðum sem nú standa yfir við Samtök atvinnulífsins. Hann sagði að í dag verði fundur með samninganefndinni hjá ríkissáttasemjara enda telur Kolbeinn líklegt að viðræðunum verði alfarið vísað til sáttasemjara gangi hvorki né reki á næstu dögum eða vikum.
Aðspurður um helstu kröfur nefndi Kolbeinn að höfuðáhersla væri á kaupmáttinn og að samið yrði í skamman tíma 12-18 mánuði. Ef ekki nást samningar munu þau félög er standa að Flóabandalaginu skoða til hvaða aðgerða verði gripið.